Somalia, oo ah dal soo korayaa,  waxa ku geedaaman baahiyo gaar ah oo tiknoolajiyadeed, isla gortaasna u baahan in la maareeyo caqabadaha ka la jaadka ah oo ay ka mid yihiin; caafimaadka, waxbarashada, amniga, iyo horumarinta dhaqaallaha. Qoramadan waxa aan ku sheegi doonnaa 13 xirfadood, oo dhallinta Soomaaliyeed ay baran karaan sannadka 2024 si ay uga faa’iidaystaan baahiyaha gaarka ah ee dalka:

1. Horrumarinta Barnaamijyada Moobilka (Mobile App Development)

Marka la eego in taleefannada gacanta ay yihiin aaladda ugu badan ee la isticmaalo, barashada horumarinta barnaamijyada moobilka waa muhiim. Dhalinyarada waxay abuuri karaan barnaamijyo ku saabsan caafimaadka, waxbarashada, iyo adeegyada bulshada si loo fududeeyo nolosha dadka Soomaaliyeed.

Tusaale: Dhisida barnaamij (app) caafimaad oo dadka ka caawiya in ay la xiriiraan dhakhaatiirta iyo helaan tallo caafimaad oo degdeg ah.

2. Ganacsiga Elektarooniga ah (E-commerce)

Ganacsiga elektarooniga ah walow uu afrika ku yaryayahay, hadda na waa fursad bannaan, oo tigaad u ah beekhaaminta dhaqaallaha iyo ganacsiga yar-yar. Barashada sameynta suuqyada online-ka iyo habka lacag-bixinta elektarooniga ah— waxa ay dhalinyarada siin kartaa fursado ay ku abuuraan ganacsiyo cusub oo ka caawiya ganacsatada maxalliga ah ama ay iyaga sameystaan store online ay alaabahooda u ga gaadaan qaab online ah sida cuntooyinka, dharka, iyo qalabka elektarooniga. Sido kale waxa ay u noqon kartaa xirfad ay dadka wax ku baraan ama shirikadaha online-ka ka ga shaqeysan karaan

3. Sugidda amniga xogaha (Cybersecurity)

Amniga macluumaadka waa xirfad meelkasta loo ga baahan yahay— waxaa cilmigan la gu illaalin kartaa xogta shakhsiyaadka, hay’adaha, xukuumadaha, waxbarashada, caafimaadka iyo meelkasta oo xog la ga heli karo. Barashada qeybaha sugidda amniga iyo ka hortagga weerarada internetka (cyber attacks) ee ay sameeyaan tuugadu—waxa ay dhalinyarada ka caawin kartaa in ay sugaan  illaha xog kasta oo muhiim ah. M

4. Tiknoolajiyada Maaliyadda (Fintech)

Fintech waa isku darka tiknoolajiyada iyo maaliyadda, waxaana loo isticmaalaa horumarinta adeegyada maaliyadeed ee casriga ah sida lacagaha mobilka iyo bangiyada internetka. Barashada fintech waxay dhalinyarada siin kartaa xirfado cusub iyo inay kaalin ka qaataan horumarinta adeegyada maaliyadeed ee dalka.

5. Suuq geynta (Digital marketing)

Suuqgeynta casriga ah baan odhan karaa, waayadii horre haddii wax la gu xayeysiin jirey telefeeshanada, idaacadaha, ama meykrofoon inta la qaato magaaloooyinka la la dhex meri jirey, haatan waa la ga baxay. Xirfadan waa hab suuqgeyneed oo la adeegsanayo mareegaha (websites) iyo Baraha bulshada (social media) si looo gaarsiiyo adeegyada la suuqgeynayo cid kasta oo isticmaasha internetka, waxaa taa hirgeliya xirfadan. Tusaalle, Facebook ads, intagram, tiktook, email marketing, tiktook, affiliate marketing, iyo appska kale oo bulshada isticmaasho, baa la ga suuq geyn karaa. Waxaan odhan karaa, yaan loo deymo la’aan, waa xirfad dalkeennu aad u ga baahan yahay siiba ganacsatada waaweyn iyo kuwa yaryar (start-up business)

6. Maareynta Xogta (Data Management)

Kolka ay timaado go’aan qaadashada xogta, waa la ga marmaan in la barto maareynta iyo falanqaynta xogta. Barashada sida Data Entry iyo Power BI si loo falanqeeyo xogta  gooabaha waxbarashada ee iskuulada iyo jaamacadaha, taa oohagaajineysa tayada waxbarashada, ayaa tusaalle u ah. Xirfad aqoonteedu waa tu albaabada u fureysa shaqada, tan oo ka dhigan in goob kasta oo xog taallo ka hawl geli karaan.

7. Naqshadeynta (Graphic Design)

Naqshadeyntu waa xirfad muhiim ah oo loo gu talagalay abuurista muuqaallada soo jiidashada leh ee loo isticmaalo suuqgeynta, waxbarashada, iyo farshaxanka. Aqoon yeelashada barnaamijyada sida Adobe Photoshop iyo Illustrator si loo sameeyo naqshadaha loo gu talagalay xayaysiisyada, buugaagta, iyo bogagga internetka, baa waxa yihiin kuwa ugu mudan,

8. Naqshadeynta Mareegaha (Web Design)

Naqshadeynta mareeg waa loo la jeeda xirfad qaabeysa bogagga internetka ee qurxisa, hab wax ku ool ah, oo aan la ga gayoon. Waa xirfad ka mid ah tiknoolajiyada ee la isticmaalo si loo sameeyo bogagga internetka, suuqyada online-ka, iyo goobaha ganacsiga si ay dadka u soo bandhigaan macluumaadka iyo adeegyada. Tusaale: HTML, CSS, JavaScript, iyo qalabka naqshadeynta sida Adobe XD iyo Figma si loo abuuro websites ganacsi, waxbarasho, iyo warbaahin, baa ugu muhiimsan.

9. Isku-duba-ridka muuqala(Video Editing)

Waa qaabeynta iyo kala shaandheynta muuqaallada, iyada oo la doonayo in muuqaal tayo sarre leh la soo saaro, oo dadka soo jiita, siiba madadaalada, waxbarashada, iyo suuqgeynta. Tusaale: nidaamyada sida Adobe Premiere Pro iyo Final Cut Pro baa loo diyaarin karaa qaab u diyaarsan kanaalada YouTube-ka, xayaysiisyada, iyo filimada gaagaaban.

10.Tiknoolajiyada Beeraha (Agricultural Technology)

Beeraha waa laf dhabarta dhaqaallaha Soomaaliya. Barashada tiknoolajiyada beeraha sida nidaamyada waraabka casriga ah, isticmaalida bacriminta iyo maaraynta cayayaanka, ayaa dhalinyarada ka sameyn karaan fursad dhaqaalle, sidoo kale, wax soo saarka beerahunna waxa uu noqon mid casri ah (modern farming).

11. Horumarinta Webka (Web Development)

Web development waxay ka mid tahay dhismaha ama abuurista bogagga internetka. Waa xirfad qiimaheeeda iyo qaayaheeda wadata, wakhtigan oo aad loo fahmey ahmiyada in  ay leedahay, waxa ay dhalinyarada siin kartaa xirfado ay ku abuuraan websites ganacsi, waxbarasho, iyo warbaahin. Waxa qofka bartaa ku shaqeysan karaa seddexan, front-end developer, back-end developer, iyo Full stack developer oo ah labadan oo labada xagga sarre ku xusan oo la isku darey

12. Tiknoolajiyada Tamarta Dib Loo Cusboonaysiin Karo (Renewable Energy)

Tamarta qorraxda iyo dabaysha, ayaa iyana la hilmaamin karin, taas oo lagu xallin karo dhibaatada korontada. Barashada tiknoolajiyada tamarta dib loo cusboonaysiin karo waxay dhalinyarada siin kartaa xirfado ay ku hirgeliyaan mashaariic tamar oo waara iyo dakhli wanaagsan.

13. Caafimaadka Dijitalka (Digital Health)

Caafimaadka dijitalka waa farsamo aad loo gu baahi badan yahay wadankeenna, Tusaalle: Abuurista barnaamij (app) caafimaad oo dadka u fududeeya in ay iska diiwaangeliyaan hospitalaada oo ay helaan warbixin caafimaad iyaga oo aan u baahneyn in ay booqdaan xarunta caafimaadka, baa naruuro iyo gallad eebbe ah.

Guntii iyo gebo-gebaddii

Xirfadah aan carrab-baabshey, waxaan is lee yahay haddii loo dhaqaaqo taaba-gelinteed — waxaa meesha ka bixin catowga shaqo la’aanta iyo fadhi-ku-dirirka dhallinyarteennu qaayibtey. Ma qabo in ay dhallintu keliya isku halleeyaan shaahadooyinka jaamacadeed oo noqdey kuwa aan la jaan qaadi karin dunnidan mar walba wax cusub soo baxayaan, waxaan qabaa in aan la is dhiggan oo fursadaha tiknooloojiyada la ga qadin, kuwaas oo la ga libeysan karo!