Artificial Intelligence (AI) waa farsamo la gu barayo kombiyuutarada iyo nidaamyada kale si ay u qabtaan hawlo caqli gal ah oo horay loo gu baahnaa in dadka la gu tiirsanaado. AI waxay ku lug lee dahay barashadda mashiinka (𝐦𝐚𝐜𝐡𝐢𝐧𝐞 𝐥𝐞𝐚𝐫𝐧𝐢𝐧𝐠), wax qabadka luuqadda dabiiciga ah (𝐧𝐚𝐭𝐮𝐫𝐚𝐥 𝐥𝐚𝐧𝐠𝐮𝐚𝐠𝐞 𝐩𝐫𝐨𝐜𝐞𝐬𝐬𝐢𝐧𝐠), 𝐀𝐫𝐚𝐠𝐭𝐢𝐝𝐚 𝐊𝐨𝐦𝐛𝐢𝐲𝐮𝐮𝐭𝐚𝐫𝐤𝐚 (𝐂𝐨𝐦𝐩𝐮𝐭𝐞𝐫 𝐕𝐢𝐬𝐢𝐨𝐧), iwm.

𝐉𝐚𝐚𝐝𝐚𝐝𝐤𝐚 𝐂𝐚𝐪𝐥𝐢𝐠𝐚 𝐦𝐚𝐜𝐦𝐚𝐥𝐤𝐚 𝐚𝐡.

1. 𝐍𝐚𝐫𝐫𝐨𝐰 𝐀𝐈:: Waxa lagu qabtaa hawl gaar ah sida cod-bixinta (voice assistants), sawir-aqoonsi (image recognition), iyo gemiska (video games). Tusaallooyinka caanka ah waxaa ka mid ah Siri, Google Assistant, iyo Alexa.

2. 𝐀𝐈-𝐠𝐚 𝐆𝐮𝐮𝐝 (𝐆𝐞𝐧𝐞𝐫𝐚𝐥 𝐀𝐈): Waxa u leeyahay awood uu ku fahmo oo ku qabto hawlo badan sida bani’aadamka. Hase yeeshee, farsamadan wali la ma gaarin waxaanna lagu jiraa marxaladdo cilmi baaris.

𝐃𝐚𝐫𝐚𝐚𝐬𝐚𝐝𝐚𝐡𝐚 𝐂𝐢𝐥𝐦𝐢𝐠𝐚:

𝐁𝐚𝐫𝐚𝐬𝐡𝐚𝐝𝐚 𝐌𝐚𝐬𝐡𝐢𝐢𝐧𝐤𝐚 (𝐌𝐚𝐜𝐡𝐢𝐧𝐞 𝐋𝐞𝐚𝐫𝐧𝐢𝐧𝐠)::

Barashada mashiinka waa qayb muhiim ah oo AI ah, waxaynna ku lug lee dahay in kombiyuutarada la gu baro sidii ay uga baadhilahaayeen xogta—iyaga oo aan la siinin tilmaamo gaar ah.

Daraasad ay sameeyeen 𝐒𝐭𝐚𝐧𝐟𝐨𝐫𝐝 𝐔𝐧𝐢𝐯𝐞𝐫𝐬𝐢𝐭𝐲, waxay muujisay in barashada mashiinka ay keentay horumar ballaaran oo dhinacyo badan leh, sida caafimaadka, halkaas oo AI la gu isticmaalo in la gu ogaado cudurrada siiba kansarka iyo cudurrada kalyaha .

𝐀𝐫𝐚𝐠𝐭𝐢𝐝𝐚 𝐊𝐨𝐦𝐛𝐢𝐲𝐮𝐮𝐭𝐚𝐫𝐤𝐚 (𝐂𝐨𝐦𝐩𝐮𝐭𝐞𝐫 𝐕𝐢𝐬𝐢𝐨𝐧):

   – Aragtida kombiyuutarka waxay awood u leedahay inay sawiro iyo muuqaalo ku ogaato xog muhiim ah, taasoo loo isticmaalo baabuurta iswada (self-driving cars), amniga, iyo caafimaadka.

   – Cilmi baarisyo ay sameeyeen 𝐌𝐚𝐬𝐬𝐚𝐜𝐡𝐮𝐬𝐞𝐭𝐭𝐬 𝐈𝐧𝐬𝐭𝐢𝐭𝐮𝐭𝐞 𝐨𝐟 𝐓𝐞𝐜𝐡𝐧𝐨𝐥𝐨𝐠𝐲 (MIT) waxay muujisay in aragtida kombiyuutarka ay leedahay heer sare oo sax ah oo lagu aqoonsado walxaha iyo dadka muuqooda .

𝐖𝐚𝐱 𝐐𝐚𝐛𝐚𝐝𝐤𝐚 𝐋𝐮𝐮𝐪𝐚𝐝𝐝𝐚 𝐃𝐚𝐛𝐢𝐢𝐜𝐢𝐠𝐚 𝐚𝐡 (𝐍𝐚𝐭𝐮𝐫𝐚𝐥 𝐋𝐚𝐧𝐠𝐮𝐚𝐠𝐞 𝐏𝐫𝐨𝐜𝐞𝐬𝐬𝐢𝐧𝐠):

   – Wax qabadka luuqadda dabiiciga ah wuxuu siinayaa kombiyuutarada awood ay ku fahmaan oo ku hadlaan luuqadda bani’aadamka.

   – Google AI waxay horumar ballaaran ku sameysay turjumidda luuqadaha (Google Translate) iyo caawinta cod-bixinta (Google Assistant) iyada oo adeegsanaysa farsamada wax qabadka luuqadda dabiiciga ah. Sidoo kale, shirikadda OpenAI waxay soo saartey dhawaan GPT-4.0 hab macmal ah oo arrimo badan koobsanaya.

𝐑𝐚𝐚𝐝𝐞𝐲𝐧𝐭𝐚 𝐀𝐈 (𝐀𝐫𝐭𝐢𝐟𝐢𝐜𝐢𝐚𝐥 𝐈𝐧𝐭𝐞𝐥𝐥𝐢𝐠𝐞𝐧𝐜𝐞):

𝐂𝐚𝐚𝐟𝐢𝐦𝐚𝐚𝐝𝐤𝐚:

   – AI waxay ay ka caawisaa dhakhaatiirta in ay si sax ah u ogaadaan cudurrada iyada oo adeegsanaysa xog uruurin caafimaad. Tusaale ahaan, AI ayaa lagu ogaadaa kansarka, cudurrada wadnaha, iyo cudurrada neerfaha.

   – Daraasad ay sameeyeen 𝐔𝐧𝐢𝐯𝐞𝐫𝐬𝐢𝐭𝐲 𝐂𝐨𝐥𝐥𝐞𝐠𝐞 𝐋𝐨𝐧𝐝𝐨𝐧 waxay muujisay in AI ay si sax ah u ogaan karto kansarka naaska oo leh heer sax ah oo gaaraya 95% .

𝐆𝐚𝐚𝐝𝐢𝐢𝐝𝐤𝐚:

   – Baabuurta iswada ayaa ah tusaalle muuqda oo ah sida AI loo gu hirgelin karo gaadiidka. Baabuurta Tesla ayaa adeegsanaya AI si ay ugu shaqeeyaan qaabka iswada.

   – Warbixin ay soo saartay 𝐍𝐚𝐭𝐢𝐨𝐧𝐚𝐥 𝐇𝐢𝐠𝐡𝐰𝐚𝐲 𝐓𝐫𝐚𝐟𝐟𝐢𝐜 𝐒𝐚𝐟𝐞𝐭𝐲 𝐀𝐝𝐦𝐢𝐧𝐢𝐬𝐭𝐫𝐚𝐭𝐢𝐨𝐧 (𝐍𝐇𝐓𝐒𝐀) waxay sheegeen in AI-ga baabuurta iswada ay yareyn karto shilalka wadooyinka oo ugu wacan khaladaadka aadanaha.

𝐖𝐚𝐫𝐬𝐡𝐚𝐝𝐚𝐡𝐚 𝐢𝐲𝐨 𝐒𝐡𝐚𝐪𝐚𝐚𝐥𝐚𝐡𝐚:

   – 𝐖𝐨𝐫𝐥𝐝 𝐄𝐜𝐨𝐧𝐨𝐦𝐢𝐜 𝐅𝐨𝐫𝐮𝐦 ayaa qiyaasaysa in AI ay abuuri karto malaayiin shaqo cusub oo ku saabsan farsamada iyo maamulka xogta, in kastoo oo ay taasi beddeli doonto shaqooyinkii soo jireenka ahaa.

   – AI waxay wanaajisaa wax soo saarka iyada oo yareynaysa khaladaadka iyo kor u qaadista waxtarka. Farsamadan ayaa sidoo kale loo isticmaalaa in la gu kormeero iyo in la gu hagaajiyo qalabka warshadaha.

𝐆𝐮𝐧𝐧𝐚𝐚𝐧𝐚𝐝

Caqliga Macmalka waa farsamo cusub oo hodmineysaa dhammaan dhinacyada nolosha, la ga billaabo caafimaadka illaa gaadiidka iyo warshadaha. Mar walba oo la cuskado daraasaddo aqooneed iyo tijaaboyin dhab ah, AI waxa ay qaadidhigeysaa wax tar nacfi leh— oo la gu badhaadhayo gaar ahaan marka la dhaho dhaqan-dhaqaalleha. Bal se, waa la ma huraan in si macquul oo la saaxiib ah adeegsadayaasha loo taabagasho.